Energetika vazirligi huzuridagi Qayta tiklanuvchi energiya manbaalari milliy ilmiy-tadqiqot instituti tomonidan “Quyosh fotoelektr stansiyalari va suv isitish qurilmalarini o‘rnatish va ularni ekspluatatsiya qilish” bo‘yicha malaka oshirish o‘quv kursi tashkil etildi. Unda inspeksiyaning barcha hududiy boshqarma xodimlari ishtirok etdi.
Mazkur oʻquv kursining tashkil etishdan maqsad inspeksiya xodimlarini energetika sohasida muqobil energiya manbalarida tadbiq etilayotgan istiqbolli dasturlar bilan yaqindan tanishish hamda ushbu yo‘nalishga doir kiritilayotgan yangi texnologiyalarni amaliyotda qo‘llashga doir bilim va malakasini oshirishdir.
Mashg’ulotlarda tinglovchilarning quyosh fotoelektr stansiyalari va suv isitish qurilmalarini o‘rnatish va ularni ekspluatatsiya qilish yuzasidan savollariga batafsil javoblar berildi. Shuningdek, muammoli vaziyatlarga joyida yechimlar koʻrsatildi.
O‘quv kursi yakunida tinglovchilar test sinovlari topshirib, sertifikatlar bilan taqdirlandi.