+998 (71) 200- 02 - 86

 ISHONCH TЕLЕFONI

ESLATMA:

Jismoniy va yuridik shaxslar diqqatiga!

O‘zbekiston Respublikasi Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshlig‘i (keyingi o‘rinlarda «O‘zenergoinspeksiya» deb ataladi) neft mahsulotlari va gazdan foydalanish, ularni sotish, shuningdek neft, gaz va gaz kondensati qazib olish, ularni qayta ishlash, uzatish, saqlash obyektlarini (qurilmalarini) montaj qilish va ulardan foydalanishda texnologiya talablariga rioya qilinishi ustidan davlat nazorati sohasidagi maxsus vakolatli davlat boshqaruvi organi hisoblanadi.

Quyidagilar «O‘zenergoinspeksiya»ning vazifalari hisoblanadi:

neft mahsulotlari va gaz sotish hamda ulardan foydalanish bo‘yicha qonun hujjatlari va boshqa normativ-huquqiy hujjatlarning bajarilishini nazorat qilish;

neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanishda texnologiya talablariga rioya etilishini nazorat qilish;

«O‘znenergoinspeksiya» o‘ziga yuklangan vazifalarga muvofiq quyidagi funksiyalarni bajaradi:

yuridik shaxslar tomonidan neft mahsulotlari va gazdan foydalanilishini, ularning sotilishini, sifat va miqdor jihatidan saqlanishini, shuningdek neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanishda texnologiya talablariga rioya etilishini belgilangan tartibda nazorat qilish;

gazdan belgilangan maqsaddan tashqari foydalanilishiga yo‘l qo‘ymaslik hamda mulkchilik shakllaridan qat’i nazar, gaz iste’molchilari (aholidan tashqari) o‘zboshimchalik bilan o‘rnatib olgan gazdan foydalanish qurilmalarini aniqlash yuzasidan gaz sotuvchi tashkilotlar va gaz uzatish tashkilotlari ishlarini belgilangan tartibda nazorat qiladi;