Xorazm viloyati prokuraturasi va “O‘zenergoinspeksiya” viloyat hududiy boshqarmasi hamkorligida Yangibozor va Gurlan tumanlaridagi “Ko‘mir taʼminot” MCHJga qarashli omborxonalarda ko‘mir yoqilg‘isining saqlanish holati va aholiga yetkazib berish jarayonlari o‘rganildi. 

O‘rganish davomida ko‘mir mahsulotlarini standart talablariga mos kelishi va nazorat o‘lchovlaridan o‘tkazish jarayonlari hamda talon-toroj etilishini oldini olish maqsadida ushbu obyektlarni kuzatish imkonini beruvchi zamonaviy kuzatuv kameralari bilan jihozlanganlik holatlari ko‘zdan kechirildi. 

Aniqlangan kamchiliklarni bartaraf etish va belgilangan chora-tadbirlar sifatini oshirish bo‘yicha ishchi guruh tomonidan mas’ullarga tegishli ko‘rsatmalar berildi.