“O‘zenergoinspeksiya” Jizzax viloyati hududiy boshqarmasi va Bosh prokuratura huzuridagi Departament bilan hamkorligida o‘tkazilgan nazorat tadbirida Baxmal, Yangiobod va Paxtakor tumanlarida faoliyat yurituvchi “M.B.”, “L.M.” hamda “U.S.” fermer xo‘jaliklari tijorat maqsadida suv nasoslarini elektr hisoblagichdan tashqari yashirin yo‘llar bilan tarmoqqa ulanganliklari aniqlandi.

Ushbu qoidabuzarliklar natijasida davlat manfaatlariga 745,3 mln so‘mlik zarar yetkazilganligi ma’lum bo‘ldi.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari  qo‘zg‘atilib, tergov harakatlari o‘tkazilmoqda.

Nazorat tadbirlari davom etmoqda.