“O‘zenergoinspeksiya” Buxoro viloyati hududiy boshqarmasi tomonidan kuz-qish mavsumiga tayyorgarlik ko‘rish ishlari doirasida gaz quvurlari va gaz taqsimlash qurilmalarining texnik holatlari ko‘rikdan o‘tkazilmoqda.

Xususan, Buxoro tumanidagi 12 ta gaz taqsimlash punktida taftish ishlari olib borilmaganligi, ogohlantiruvchi yozuvlar yozilmagan holda atrofi tashqi ta’sirdan himoyalanmaganligi hamda gaz quvurlarini rekonstruksiya qilish ishlari to‘liq tashkil etilmaganlik holatlari aniqlandi.

Mazkur taʼmirlash ishlarida aniqlangan kamchiliklarni bartaraf etish bo‘yicha hududdagi masʼullarga ko‘rsatmalar berilib, uning bajarilishi nazoratga olindi.