“Oʻzenergoinspeksiya” Andijon viloyat boshqarmasi va huquqni muhofaza qiluvchi organlar bilan hamkorlikda oʻtkazilgan nazorat tadbirida Shahrixon tumani "Do‘lan" MFYda fuqaro Y.T. ga qarashli choyxonaning qurilmalari hujjatlarsiz, to‘g‘ridan to‘g‘ri tarmoqqa ulanib, tabiiy gazdan noqonuniy foydalanganligi aniqlandi.
Ushbu qoidabuzarlik bo‘yicha dastlabki hisob-kitoblarga koʻra, davlat manfaatlariga 172 mln so‘mlik zarar yetkazilganligi ma’lum bo‘ldi.
Qoidabuzar isteʼmolchiga nisbatan belgilangan tartibda chora koʻrish uchun tegishli hujjatlar rasmiylashtirilib, huquqni muhofaza qiluvchi organlarga taqdim etildi.