“O‘zenergoinspeksiya” va elektr ta’minoti korxonalari bilan hamkorlikda energetika obyektlarida olib borilgan taʼmirlash ishlari ko‘rikdan o‘tkazilmoqda. Unga ko‘ra elektr qurilmalarining texnik holati, ularni ishlatishda xavfsizligini taʼminlash hamda belgilangan meʼyorlarda amalga oshirilgan ishlarning sifatiga alohida e’tibor qaratildi.

Xususan, ishchi guruh tomonidan Quvasoy shahridagi 110/35/6 kVli 2A- podstansiyasi va Chust tumanidagi 110/35/10-6 kVli “Chust” podstansiyalarida olib borilgan mukammal va joriy taʼmirlash ishlari ko‘rikdan o‘tkazildi.

Mazkur taʼmirlash ishlarida aniqlangan kamchiliklarni bartaraf etish bo‘yicha ishchi guruh tomonidan hududdagi masʼullarga ko‘rsatmalar berilib, uning bajarilishi nazoratga olindi.