Жорий йилнинг 23 январь куни 30 та истеъмолчи томонидан электр энергияси ва табиий газдан ноқонуний фойдаланиш ҳолатлари содир этилди.

Бу Энергетика вазирлиги ҳузуридаги “Ўзэнергоинспекция” ишчи гуруҳлари томонидан ўтказилган назорат тадбирларида аниқланди. Унга кўра, ушбу ноқонуний ҳолатлар бўйича 43 та маъмурий иш расмийлаштирилди.  

“Ўзэнергоинспекция” матбуот хизматининг маълум қилишича, ишчи гуруҳ томонидан ҳудудларда 757 та профилактик тадбир ўтказилди ҳамда таъминотчи корхоналар томонидан амалга оширилган ишлар юзасидан 67 та объект ўрганилган. Реактив қувватни компенсация қилувчи қурилмалар ўрнатиш юзасидан тадбиркорлик субъектларида тушунтириш ишлари олиб борилиб, 395 та истеъмолчига нисбатан тегишли кўрсатмалар берилган.  

Н.Зиёдуллаева тайёрлади, ЎзА