“O‘zenergoinspeksiya” Jizzax viloyat boshqarmasi va elektr ta’minoti korxonasi bilan hamkorlikda elektr energiyasini taqsimlash punktlarida olib borilgan mukammal va joriy taʼmirlash ishlari ko‘rikdan o‘tkazilmoqda. Unga ko‘ra elektr qurilmalarining texnik holati, ularni ishlatishda xavfsizligini taʼminlash hamda belgilangan meʼyorlarda amalga oshirilgan ishlarning sifatiga alohida e’tibor qaratildi.

Xususan, Jizzax viloyatining Zomin, Forish, G‘allaorol va Sh.Rashidov tumanlarida joylashgan bolalar oromgohlaridagi transformator punktlarida hamda havo liniyalarida olib borilgan mukammal taʼmirlash ishlari ko‘rikdan o‘tkazildi.

Mazkur taʼmirlash ishlarida aniqlangan kamchiliklarni bartaraf etish bo‘yicha ishchi guruh tomonidan hududdagi masʼullarga ko‘rsatmalar berilib, uning bajarilishi nazoratga olindi.