“O‘zenergoinspeksiya” Farg‘ona viloyati hududiy boshqarmasi tomonidan o‘tkazilgan tezkor tadbirda Rishton tumanida faoliyat yurituvchi “F.M.” MCHJning masʼul shaxslari avtomobillarga gaz to‘ldirish kompressor shoxobchasiga o‘rnatilgan kompressor agregatlarini tijorat maqsadida elektr tarmog‘iga o‘zboshimchalik bilan ulab, noqonuniy foydalanib kelayotganligi aniqlandi.
Ushbu qoidabuzarlik natijasida 3,6 mlrd so‘mlik (2,7 mln kVt⋅soat) elektr energiyasidan noqonuniy foydalanganligi ma‘lum bo‘ldi.
Mazkur holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
