Bosh prokuratura huzuridagi Departamentning Toshkent viloyat boshqarmasi,  “O‘zenergoinspeksiya” hududiy boshqarmasi, DXX va IIB xodimlari bilan hamkorlikda o‘tkazilgan tezkor tadbirda Qibray tumani, "Taraqqiy" MFYdagi xonadonda istiqomat qiluvchi fuqaro I.B. va boshqalar tijorat maqsadida kompyuter tizimi orqali telekommunikatsiya tarmoqlaridan foydalangan holda “Avalon” rusumli mayning kripto-aktivlari qurilmasini elektr tarmog‘iga to‘g‘ridan-to‘g‘ri ulab, noqonuniy foydalanib kelayotganligi aniqlandi. 

Ushbu qoidabuzarlik natijasida 733,2 mln so‘mlik elektr energiyasidan noqonuniy foydalanganligi ma‘lum bo‘ldi.

Mazkur holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.