Ijtimoiy soha obyektlarini issiqlik hamda elektr energiyasi bilan uzluksiz taʼminlashda mavjud muammolarni bartaraf qilish hamda yuzaga kelishi mumkin bo‘lgan salbiy holatlarning oldini olish maqsadida “O‘zenergoinspeksiya” tomonidan joylarda o‘rganishlar olib borilmoqda.
Xususan, Sirdaryo viloyatidagi ta’lim muassasasida elektr qurilmalarning kabellari tartibsiz montaj qilingan bo‘lib, elektrotexnik labaratoriya sinovlaridan o‘tkazilmaganligi aniqlandi. Shuningdek, mazkur muassasaga tegishli qozonxona hamda ko‘mir yoqilg‘isining saqlanish holati talab darajasida emasligi ma’lum bo‘ldi.
Yuqoridagi holatlar yuzasidan “Oʻzenergoinspeksiya” mutaxassislari tomonidan aniqlangan kamchiliklarni bartaraf etish borasida muassasa masʼullariga koʻrsatmalar berilib, ularning bajarilishi nazoratga olindi.
