Yoqilg‘i-energiya resurslaridan foydalanish ustidan davlat nazoratini samarali tashkil etish va muvofiqlashtirish bo‘yicha ishchi guruh Sirdaryo viloyatining Sayxunobod tumanida iste’molchilar, ayniqsa ehtiyojmand oilalar va oilaviy korxonalar faoliyati bilan yaqindan tanishdi. 
 
O‘rganish davomida energiya resurslari bazaviy meyordan ortiq miqdorda iste’mol qilinishiga sabab bo‘layotgan manbalar aniqlanib, ularni bartaraf etish choralari ko‘rildi.
 
Shuningdek, iste’molchilarga energiya resurslarining tabaqalashtirilgan tariflar bo‘yicha to‘lov miqdorlarining o‘sib borish tartibi va energiya resurslarini ortiqcha iste’moliga sabab bo‘layotgan omillarni bartaraf etish orqali resurslarni iqtisod qilishga erishish mumkinligi to‘g‘risida tushuntirishlar berildi.