“O‘zenergoinspeksiya” Jizzax viloyat hududiy boshqarmasi va gaz ta’minoti korxonalari bilan hamkorlikda o’tkazilgan o’rganishda gaz quvurlari va taqsimlash qurilmalarining texnik holati, ularni ishlatishda xavfsizligini taʼminlash hamda belgilangan meʼyorlarda amalga oshirilgan ishlarning sifatiga alohida e’tibor qaratildi.

Xususan, ishchi guruh tomonidan Jizzax shahridagi gaz tarmoqlarining bo‘linish chegaralariga yangidan o‘rnatilayotgan berkitgichlar holati hamda gaz ta’minotini yaxshilash bo‘yicha amalga oshirilayotgan joriy taʼmirlash ishlari ko‘rikdan o‘tkazildi.

Mazkur taʼmirlash ishlarida aniqlangan kamchiliklarni bartaraf etish bo‘yicha ishchi guruh tomonidan hududdagi masʼullarga ko‘rsatmalar berilib, uning bajarilishi nazoratga olindi.