“O‘zenergoinspeksiya” respublika ishchi guruhi tomonidan hududiy boshqarma mutaxassislarini elektr uskunalarining tuzilish qoidalariga rioya qilish va ekspluatatsiya ishlari talablari bo‘yicha bilim va malakasini oshirish maqsadida Sirdaryo va Jizzax viloyatlari hududiy boshqarmalarida o‘quv-seminarlari tashkil etildi.

Mazkur o‘quv mashg‘ulotlarida sohada qo‘llaniladigan qonunlar, elektr qurilmalariga doir asosiy tushunchalar hamda texnika xavfsizligi, texnik ekspluatatsiya va yong‘in xavfsizligi qoidalariga rioya etish talablari yuzasidan fikr-mulohazalar almashildi.

Shuningdek, ishchi guruh aʼzolari tomonidan o‘quv mashg‘uloti qatnashchilariga toifalangan obyektlarni nazorat qilish va ko‘zdan kechirish vaqtida eʼtibor qaratish kerak bo‘lgan holatlar yuzasidan maxsus ko‘rsatmalar berildi.