Bosh prokuratura huzuridagi Departamentning Andijon shahar bo‘limi, “O‘zenergoinspeksiya” viloyat boshqarmasi va elektr tarmoqlari korxonasi xodimlari bilan hamkorlikda o‘tkazilgan tadbirda “A.J.” MCHJ mas’ul shaxslari va boshqalar “O‘zbekiston” ko‘chasida joylashgan savdo majmuasini hech qanday hujjatsiz tijorat maqsadida umumiy foydalanishdagi elektr tarmog‘iga o‘g‘irlik yo‘li bilan ulanib, elektr energiyasidan noqonuniy foydalanganliklari aniqlandi.
Ushbu holat bo‘yicha 228,6 mln so’m miqdoridagi hisobga olinmagan elektr energiyasi qayta hisob-kitob qilindi.
Mazkur holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
