"O‘zenergoinspeksiya" Qashqadaryo viloyat boshqarmasi, viloyat prokuraturasi hamda gaz ta’minoti korxonasi mas'ullari ishtirokida tashkil etilgan ochiq muloqotda Vazirlar Mahkamasi tomonidan "Yoqilg'i-enеrgеtika sohasida bozor mеxanizmlarini joriy etishning qo'shimcha chora-tadbirlari to'g'risida"gi qarorning mazmun-mohiyati yuzasidan AGTSH mas’ullariga batafsil tushuntirishlar berildi.

Yig'ilishda tabiiy gazdan oqilona foydalanish, to'lov intizomiga rioya qilish, undan tijorat maqsadida noqonuniy foydalanishlarga yo'l qo'ymaslik hamda xavfsizlik talablariga rioya etilishi borasida alohida ta’kidlab o‘tildi.

Tadbir yakunida ishtirokchilar mavzu yuzasidan o‘zlarini qiziqtirgan savollarga mutaxassislardan batafsil javoblar olishdi.