Yoqilg‘i-energiya resurslaridan foydalanish ustidan davlat nazoratini samarali tashkil etish va muvofiqlashtirish bo‘yicha ishchi guruhi Jizzax politexnika institutida tashkil etilgan Muqobil energiya manbalarini tadqiq etish ilmiy-amaliy markazida quyosh panellari ishlab chiqarilish jarayoni bilan yaqindan tanishdi.
Mazkur markaz 1 kunda 100 kVt va bir oyda 2 500 kVt quvvatli quyosh paneli ishlab chiqarish imkoniyatiga ega.
Shuningdek, Jizzax erkin iqtisodiy zonasida faoliyat ko‘rsatuvchi yirik iste’molchi hisoblangan “Jizzax yog‘-moy” va “Jizzax toshtepa tekstil” MChJlarda qayta tiklanuvchi energiya manbalari va energotejamkor uskunalarni joriy etish holati o‘rganildi.