Bosh prokuratura va “O‘zenergoinspeksiya” markaziy apparat, Qoraqalpog‘iston Respublikasi, viloyatlar hamda Toshkent shahar hududiy boshqarmalari vakillari ishtirokida tashkil etilgan ushbu yig‘ilishda energiya resurslaridan foydalanishda qonun-qoidalarga rioya etilishi bo‘yicha Inspeksiyaga yuklatilgan vazifalarning ijrosini ta’minlashda hududlarda olib borilayotgan ishlar yuzasidan ma’lumotlar taqdim etildi.
Energiya resurslaridan foydalanish qoidalarini buzish orqali talon-toroj qilish holatlari o‘g‘rilik jinoyati sifatida baholanishi, yirik isteʼmolchilar, xususan, tadbirkorlik subyektlari tomonidan energiya resurslaridan noqonuniy foydalanishlar davom etayotgani tanqid ostiga olindi.
Yig‘ilishda elektr energiyasi va tabiiy gazdan foydalanishda qonun-qoida talablariga rioya etilishini taʼminlanishi bo‘yicha doimiy nazorat ishlari olib borilishi hamda ushbu resurslardan foydalanish qoidalarini buzish bilan bog‘liq huquqbuzarlik bo‘yicha rasmiylashtirilayotga ma‘muriy ishlarning natijalari batafsil muhokama etildi.