Iste’molchilarni elektr energiyasi bilan barqaror ta’minlash maqsadida “Oʻzenergoinspeksiya” Sirdaryo hududiy boshqarmasi tomonidan energetika obyektlarida elektr energiyasini ishlab chiqarish, uzatish va taqsimlash jarayonida elektr qurilmalarining texnik holati hamda ularni ishlatishda texnika xavfsizligi qoidalariga rioya etilishi bo‘yicha doimiy nazorat ishlari olib borilmoqda. 

Xususan, Oqoltin tumanida joylashgan 110/35/10 kV “Tinchlik” podstansiyasi texnik holatlari o‘rganilganda 10 kV kabel taqmoqlari ochiq holda yer ustki qismidan o‘tkazilganligi hamda yoritish chiqorlari bilan taminlanmaganligi hamda kabel tunellari qoniqarsiz holatda ekanligi ma’lum bo’ldi. 

Shuningdek, ko‘p qavatli xonadonlar uchun o‘rnatilgan transformator punkti texik me’yor talablarini buzgan holda o‘rnatilgan bo‘lib, texnik holati qoniqarsiz va tegishli tartibda o‘ralmaganligi holatda foydalanilib kelayotganligi ma’lum bo‘ldi.  

Mazkur aniqlangan kamchiliklarni tezkor bartaraf etish yuzasidan “Oʻzenergoinspeksiya” Sirdaryo hududiy boshqarmasi tomonidan tegishli ko‘rsatma berililb, uning bajarilishi nazoratga olindi.