Joriy yil yakuniga ko‘ra Energetika vazirligi huzuridagi “Oʻzenergoinspeksiya” tomonidan energetika obyektlarida elektr energiyasini ishlab chiqarish, uzatish va taqsimlash jarayonida elektr qurilmalarining texnik holati hamda ularni ishlatishda xavfsizlikni taʼminlanishi bo‘yicha doimiy nazorat ishlarini olib bormoqda. Xususan:

“Issiqlik elektr stansiyalari” aksiyadorlik jamiyati tomonidan rejalashtirilgan  14 ta energoblok, 31 ta qozon agregati, 9 ta bug‘-gaz qurilmasi va 1 ta bug‘-gaz turbinasining barchasi mukammal va o‘rta taʼmirlangan bo‘lib, taʼmirlangan qurilmalar inspeksiya mutaxassislari ishtirokidagi komissiya tomonidan dalolatnoma asosida ekspluatatsiyaga qabul qilingan.

“O‘zbekgidroenergo” AJ tasarrufidagi korxonalarda 9 ta gidroagregatda taʼmir ishlari mo‘ljallangan. Gidromexanik qurilmalar asosan suv oqimi hajmiga qarab taʼmirga chiqarilishi ko‘zda tutilgan bo‘lib, bugungi kunda 1 ta gidroagregat taʼmirda bo‘lib turibdi. Qolgan gidroagregatlar barchasi taʼmirlanib, inspeksiya mutaxassislari ishtirokidagi komissiya tomonidan qabul qilingan.

“Oʻzenergoinspeksiya”  Axborot xizmati