Joriy yilda “O‘zenergoinspeksiya” tomonidan quvvati 50 kVt va undan yuqori bo‘lgan isteʼmolchilarda energiya resurslaridan oqilona foydalanish yuzasidan 23 mingdan ziyod berilgan ko‘rsatmalarga asosan 32 ming 658 kVar quvvatga ega bo‘lgan reaktiv quvvat kompensatsiya qiluvchi qurilmalar o‘rnatilishi taʼminlandi.
Ushbu amalga oshirilgan ishlar natijasida so‘ngi ikki oyda 388 ming 662 kVt⋅soat elektr energiyasi iqtisod qilindi. Buning natijasida isteʼmolchilarni elektr energiyasi uchun xarajatlarni sezilarli darajada tejalishiga va elektr qurilmalarni bir me’yorda ishlashiga erishildi.
Ma‘lumot uchun: reaktiv quvvatni kompensatsiya qilinmasligi natijasida elektr tarmoqlaridan reaktiv quvvat o‘tishi qo‘shimcha yo‘qotishlar paydo bo‘lishi, kuchlanish va chastotaning pasayishiga olib keladi.
