Energetika vazirligi huzuridagi “Oʻzenergoinspeksiya” tomonidan huquqni muhofaza qiluvchi organlar hamda “Hududgaztaʼminot” AJ xodimlari bilan hamkorlikda oʻtkazilgan nazorat tadbirida Baliqchi tumanida yakka tartibdagi tadbirkor A.Y. o‘ziga qarashli binoda shartnomasiz, tabiiy gazdan noqonuniy ravishda foydalanib kelayotganligi ma’lum bo‘ldi.

Ushbu holat bo‘yicha dastlabki hisob-kitoblarga koʻra, gaz ta’minoti korxonasi tomonidan 236 mln so‘m (157 ming kubometr) miqdoridagi hisobga olinmagan tabiiy gaz qayta hisob-kitob qilindi.

Qoidabuzar isteʼmolchiga nisbatan belgilangan tartibda chora koʻrish uchun tegishli hujjatlar rasmiylashtirilib, huquqni muhofaza qiluvchi organlarga taqdim etildi.