Energetika vazirligi huzuridagi “Oʻzenergoinspeksiya”, huquqni muhofaza qiluvchi organlar hamda elektr va gaz taʼminoti korxonalari mutaxassislari bilan hamkorlikda Samarqand viloyatida oʻtkazilgan nazorat tadbirlarida elektr energiyasi va gazdan noqonuniy foydalanish holatlari aniqlandi. Xususan:
Pastdarg‘om tumanida joylashgan “U. M.” fermer xo‘jaligi elektr hisoblagich ulanish sxemasini buzganligi aniqlanib, dastlabki hisob-kitoblarga ko‘ra elektr taʼminot korxonasiga 1 mlrd 824 mln so‘m;
Pastdarg‘om tumanida faoliyat ko‘rsatayotgan “N.P.L.” oilaviy korxonasiga qarashli oshxona shartnomasiz va hisoblagichsiz gaz tarmog‘iga ulanganligi aniqlandi. Dastlabki hisob-kitoblarga ko‘ra tizimga 897,6 mln so‘m zarar yetkazilganligi aniqlandi.
Qoidabuzar isteʼmolchilarga nisbatan belgilangan tartibda choralar koʻrish uchun tegishli hujjatlar huquqni muhofaza etuvchi organlarga taqdim qilindi.