Energetika vaziri Jo‘rabek Mirzamahmudov raisligida “O‘zenergoinspeksiya” boshlig‘i Ilhom Nimatullayev, “Hududiy elektr tarmoqlari” AJ raisi Ulug‘bek Mustafoyev, "Hududgazta'minot" AJ raisi Baxodir Eshmuratov hamda Energiya samaradorligini oshirish bo‘yicha hududiy ishchi guruhning a’zolari ishtirokida tashkil etilgan mazkur yig‘ilish joriy yil davomida bajariladigan ishlarning manzilli chora-tadbirlar rejasi muhokamasiga bag‘ishlandi.
Unda Uchqo‘rg‘on tumanidagi 64 ta mahallalarda energiya samaradorligini yanada oshirish, qayta tiklanuvchi energiya manbalaridan keng foydalanish yuzasidan fikr-mulohaza almashildi.
Mazkur yig‘ilishda O‘zbekiston Respublikasi Prezidentining “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtrish chora-tadbirlari to‘g‘risida”gi PQ-57-sonli qarori hamda Vazirlar Mahkamasining 294-son qaror ijrosini ta’minlash maqsadida hududlarda ishchi guruhlar tomonidan 2024-yil energiya tejash dasturi va energiya balanslarini ishlab chiqish topshiriqlari berildi.
